Tula - tulaan lang ..

Sino bang mag-aakala na ikaw ay magkakatotoo

Nung una biro-biro yun pala magiging seryoso

Malalim na ang narating, matayog na ang pinangarap

Mas matandang pangunawa ang nabatid

Nabukas na ang isip pati ang paligid

Maganda na ang inaasahang darating na pangarap

Sana ‘wag na hamaking tumakbo o magtago

Hayaan mo‘kong sumama kung nais na magpakalayo

Praning

Ngayon lang ako natakot ng ganito

Kaiba, nakakaduling at nakakalito

Paano kung sakaling kumawala

Biglang bumitiw saka mawala

Dahil nagising ang akalang panatag na diwa

Lumingon sa dating pag-ibig at paniniwala.

Ayoko nitong pakiramdam ko

Ayoko nang isipin nakakabobo

Kailangan mapanatag na ang loob ko

Patawad kung nakakaramdam ako ng ganito

Ayokong mawala ka

Baka mapraning ako