Tuesday, May 30, 2017

HINDI MO NA KAILANGANG MANIWALA

Sinabi ko na kasi sayo,
Na mali ang ginawa mo.
Bakit ba kasi naniwala ka pa
Na tunay ang pag-ibig
Dadayain ka lang nito
Sa matatamis na salita,
Mga pngakong wala ka namang mapapala

Sana matuto kana.
Wag ka nang umulit,
Hanggat hindi ka sigurado
Wag kang sumugal.
Magpahinga ka.
Maghintay ka

Saturday, March 18, 2017

Nang ako ay muling tumula



Noo'y masalimuot ang bawat umaga
Takot sa bawat gabi
Sa mga multo ng nakaraan
Sa panaginip ko sila'y naglalabasan

Kung kaya't isang umaga,
Sinubukan kong muling lumabas
Ano na nga ba ang pakiramdam
Ng umaga sa labas ng bahay?

Naglakad ako ng matiwasay,
Nakayuko ngunit mukhang mataray
Noon ay ika-22 ng Pebrero
Suot ang paborito kong sumbrero
Iniiwas ko ang aking tingin
Sa mga taong tumititig sa akin
Taglay ang kanilang mapanghusgang mga mata
Na nakasisira ng paggising sa umaga

Tinungo ko ang lugar na aking paroroonan
Nakarating naman ako ng walang pagaalinlangan
Ngunit di ko akalain, na ang araw na iyon
Ang gigising sa aking natutulog na mga layon
Ang magtatatak na muli sa aking mga labi
Ng isang ngiting matagal kong naitabi
Isang liwanag na nanggaling sa isang hindi ko kakilala
Ako ay agad na nahawa, dumaloy sa aking sistema
Nagpaalala, dapat ako ay maging masaya na

Salamat sa haring araw ako ay muling nasilayan
Ngiti sa aking mga labi ay hindi na naiwasan
Mula sa pagkamangha sa kanyang mga mata
Dumaloy at kasiyahanng muli sa king puso ang nadama

Friday, February 3, 2017

Wala na ang simula


Tula,
Saan ako magsisimula
Sa wakas ba na wala ng bukas?
O sa simulang wala ng mga bakas?

O sige sa simula.
Ako'y iyong naapuhap sa isang madilim na kalagayan
Ngunit wika mo ri'y ako'y magandang bulaklak
na iyong natagpuan
Hindo mo ako basta pinitas nung ako'y iyong magustuhan
Sa halip ako ay diniligan at iyong inalagaan.

Mahigit apat na taon
Masaya naman tayo noon,
Natural na may away at mga problemang pinagdaanan
Ngunit hindi tayo bumitiw, kahit gaano kahirap at kabigat
Patuloy mo akong niyakap, at patuloy akong naniwala
Nagtiwala sa magaganda mong pamagat.

Ngunit eto tayo sa dulo,
Dunggot na aking kinatatakutan
Hindi mo na natiis ang mga hirap na aking pasan
Tuluyan ka na ngang nagsawa, nawalan ng gana,
Natakot dahil hindi mo ako lubusang mahawakan
Natakot ka na baka hindi ka na sumaya,
Dahil pakiwari mo hindi tayo uubra.

Bakit nga ba?
Akala ko ba tunay ka, at plano mo akong samahan
Hanggang sa huling hininga ng iyong buhay?
Kaya ka nga nagtanong, sa tuktok ng bundok
Sa bundok ng Pulag, bitbit ang iyong karatula
Kasabwat ang aking mga kapatid,
Na tila naging isang banda sa pag-awit
Magkaron lang ng magandang musika sa ating paligid.

Ano nga ang iyong tanong?
Na ang totoo ay hindi malinaw sa akin noon.
Tama, tanong mo nga kung nais ba kitang pakasalan.
Nilabas mo rin ang singsing na gusto mong isuot sa akin.
Nakatanaw lahat ng tao sa ating nakapalibot.
Mga kapatid ko, kanilang mga nobyo.
Mga taong dayuhan na hindi ko batid kung sino
Nakikitili, nakikipalakpak, nakikibahagi
Sa kasiyan na para sa akin, para sa atin.

Sinuot ko ang singsing, hindi ba?
Tugon sa iyong tanong,
Dahil malamang, matagal ko ng hinihintay ang pagkakataong iyon.
Nais kitang pakasalan. Tunay, dahil iyon na lamang ang ating kailangan.
Dahil paniwala ko tayo na para sa isa't isa.
Sinubok na tayo ng panahon, malayo na ang ating narating
At wala ng makapaghihiwalay sa atin.

Mali pala ako?
Ako lang pala talaga ang nag-iisip at naniniwala roon.
Palabas lamang pala lahat ng iyon.
Sinubukan, pinagbigyan mo lang pala ang aking pantasya.
Hindi pala totoo ang lahat ng iyon.
Pinahiram mo lang pala sa akin ang iyong mga pangako.
Sinubukan mo lang palang iparamdam
Kung gaanong kaligayahan ang ating mararamdaman.
At gaano kasaya ang mapangakuan.

Ganyan ka pala?
Ayaw mo pala talaga ng hirap.
Tinapon mo lahat ng ating pangarap.
Ang magagandang simula na mayroon tayo,
Ang bawat gitna na masaya at malungkot.
Na ating naaayos kahit masalimuot.
Dahil sa wakas, binigyan mo na tayo ng wakas.

Narito na nga tayo sa wakas.
Dahil tapos na ang lahat.
Nais mong ayusin ang buhay mo
Para ayusin ko din ang buhay ko.
Pinalaya mo ako dahil gusto mong palayain kita.
Para makapili ako ng mas karapat-dapat
At para makatagpo ka ng mas kaaya-aya
Yung uubra sa iyo, yung magbibigay sa iyo ng ligaya
Yung puro ligaya lang,
Baka sakali muli sa simula

Gusto mong magsimula ulit.
Ngunit sa iba na, sa isang kaibigan,
Matagal mo na pala syang nais
Hindi ko napansin, hindi ko batid.
Bulag-bulagan.
Akala ko kasi lahat ng sakripisyo mo totoo.
Nagpanggap ka lang pala.
Pinaubra mo lang pala.
Kung ganon, yan din ba ang iyong gagawin ngayon?
Dahil hindi tayo nagtagumpay,
May nahanap kang iba na sisirain ulit ang buhay?

Haaaay, hindi na kita kilala.
Ibang-iba ka na.
O sadyang maswerte ako sapagkat
Hindi pa huli ang lahat,
Nakilala ko na kasi ang tunay na kulay ng iyong balat.

Kung ganoo'y salamat.
Salamat sa lahat ng masasayang pagmamahal
Kung lahat man iyo'y pagpapanggap ay salamat.
Dahil naramdaman ko parin naman, kaya salamat.
Sapagkat maaari na akong gumawa ng isang alamat
Alamat ng isang babaeng natagpuan,
Pinasaya, niyakap, pinangakuan,
Pinanghawakan, ngunit di rin nagtagal ay iniwan.
Isang masalimuot na alamat.

Hindi ko ito makakalimutan,
Kaya maraming salamat.

Thursday, September 22, 2016

Kailan














Kailan sisikat ang liwanag
Para akong naglalakad sa kawalan
Madilim ang buong paligid
Ni hindi ko makita ang daan



Kailan aayos ang paghinga
Maya't maya dumadagundong
Ang pintig ay parang manhid
Malapit na itong pamatid



Kailan mo ibabalik iyong kamay
Na ipinangako mo sa akin
Na kahit ano mang mangyari ay
Hindi ka bibitiw sa akin



Hanggang kailan mo titiisin
Na malayo ka sa akin
Hindi ka pa ba nasasabik
Sa aking mga yakap at halik



Kailan nga ba?


Kailan ka ba



babalik?





Monday, June 16, 2014

Loom Bands kayo dyan!


Oha oha! Ako ay nagbalik muli dito sa aking blog! Huwahaha! Ang saya ko ‘no? hehe, wala lang.. naaaning..

Maglalako lang naman sana ako ng aking bagong kinaaadikan sa ngayon. Ang usong-usong “Loom Bands”

 Marami na kasi akong nakikitaan nito, kaya ako itong si inggitera, intrimitida, at ambisyosya ay nagpabili sa aking butihing kasintahan ng isang set ng loom bands. Yung kumpleto, may loom board, hook, clips, 4200 bands, na may mga compartments. O ‘di ang saya ko na naming bata. Hehehe. Masaya talaga ako nung nagkarron ako ng isang isang dahil naaaply ko ang pagka creative, pagka-artistic at pagka autistic. Nyahaha. Kasi ilang gabi rin akong napuyat kakagawa ng mga bracelets, rings at necklaces.  Kasi papanuorin ko muna sa youtube tapos saka ko na gagawin. Dahil sa pag-aambisyon ko makagawa ng iba’t ibang designs eh hinahatinggabi na talaga ako ng tulog, sobrang nakakaadik talaga lalo na nung mga unang araw ko pa lang na gumagawa. Pero ngayon hindi na masyado, buti na lang. haha.

Pero dahil sa malaki narin ang nagastos ko (ni BF) sa loombands na yan, ang goal ko syempre eh magkaroon ng “significant return of investment” hihihi.. kahit papaano. Negosyante tayo eh. Hehehe. Ayun na nga, syempre yung mga nagawa kong accessories eh binibenta ko for affordable prices. Meron akong mga bracelets, rings, necklace s, for girls, boys, kids and adults.and couples.  Pwede ring personalize ang designs and combinations of colors, maaring kayo ang pumili ng kulay at disenyo at gagawin ko para mas makuha ang inyong gusto. *wink* Take note, latex free and lead free po ang bands na binibili ko kaya safe and sure na maganda talaga. Eto po ang samples ng mga gawa ko..




 
 
So.. ano pa po ang hinihintay nyo? Order na..!! Mas marami pa akong design na gagawin, kung personalized mas better.. hehehe.. nego-negosyo din kapag may time!!

Seryoso yan ah, message nyo na lang po ako sa FB, twitter, or sa intagram.. para ma entertain ko po ang mga may gusto. Tumatanggap din po pala ako ng wholesale! Pwedeng for giveaways, sa kasal, binyag, birthday,  etc. mas marami ang order mas malaki ang discount! Yebah! haha.. push na natin toh!!

Yun lang po.

Thank you and God Bless..

P.S. Belated Happy Father's Day po sa lahat ng mga tatay dyan sa buong daigdig.. ^^

Related Posts Plugin for WordPress, Blogger...
Related Posts Plugin for WordPress, Blogger...

Bawal mangopya !

MyFreeCopyright.com Registered & Protected

Receive All Free Updates Via Facebook.