Kung sakaling mabasa mo ito
at naisipan mong iwasan na ako
dahil hindi mo naman talaga ako gusto
sapagkat panaginip lang lahat ng 'to
Ayos lang, huwag kang mag-alala
Asahan mong hindi na kita kukulitin
At aayain sa kung saan-saang ganap
para magkasama tayo
Nadala narin naman ako
Papalipasin ko na lang ang mga araw
hanggang sa matanggap ko na
magkaibigan lang talaga tayo
Na maaaring may iba ka naman talagang gusto,
hindi ako.
Possible ring sa iba mo nilalaan
ang kantang paborito kong kantahin para sayo.
Pasensya kana,
kung inakala kong si Janice ay ako.
