P'wede ka bang maging kaibigan?

Blog.. blog .. blog ..

Bakit ba ako nagba-blog? Hmmmmm....

Para sa akin kasi ang blogging ang best tool para i-express kung anong mga feelings meron ako, kung anong meron sa utak ko kapag nalulungkot, kapag masaya, kapag may kakaibang kwento,na minsang gusto kong isulat at ipabasa sa mga tao. Para malaman ko din kung meron bang nagagandahan, natutuwa, pumapatol at nakakaappreciate ng mga akda ko.

Pero ang totoo rin, gaya rin ng ibang blogero maraming beses na parang gusto ko ng itigil ang pagba-blog kasi nakakatamad na, wala na akong maisulat, walang time dahil sa work, walang sariling computer dahil nanakaw ang laptop ko, haist.

Minsan pakiramdam ko rin na wala namang nakakapansin sa blog ko, iilan lang ang naliligaw dito, bihira lang ang tumatambay, yung iba sapilitan pa para lang dalawin ako dito. Eh kasi ba naman, hindi naman talaga ako magaling magsulat, hindi nakakaakit ng mga maraming mambabasa. Meron akong mga kwentong nahihirapan akong itranslate into words, na nahihirapan akong gawing kwento na maiintindihan ng iba. Kaya bigo din ang ninanais-nais kong magkaroon ng maraming kaibigan dito sa mundo ng mga blogero. Kaya minsan nakakalungkot narin. Parang ayaw ko na ngang mag-blog.

Pero buti na lang, kahit papaano meron naman naliligaw dito, sa mga iilan na yon ay labis na ang kasiyahan ko. Na kahit papaano mayron naman pumapansin sa akin. Kaya mas nangingibabaw parin ang panghihinayang kung sakaling ititigil ko na itong blog ko. Kasi nakapanghihinayang din naman kung babalewlain ko na lang basta ang mga pinaghirapan ko, at ang mga iilang nakakabasa dito, as in iilan lang, hehe. Sa mga kakilala ko, kaibigan, kapamilya ,katrabaho na humahanga kasi blogger daw pala ako, Hahaha .. akala naman nila sikat ako, eh isa lang akong hamak na blogero na gumagawa ng sarili kong mundo. Na kahit hindi marami ang nakakaintindi, kahit hindi ako sikat di ko naman kailangan yun, masaya na ko, sa simpleng blog ko, sa simpleng ako. Tutal simpleng tao lang naman talaga ako... wahahahaha

Bale itong post ko na 'to, parang tanga lang na naman. Nakakatuwa lang kasi yung ibang blogero na maraming nagko-comment every after post, magagaling kasi silang magsulat. Ako kaya kailan huhusay? Haayystt .. good luck na lang sa akin. Sana lang merong iba pang mapadpad dito sa lugar ko, magbasa at magiwan ng komento. Pero di ko na masyado inaasahan yung comment. Bahala na si batman, pero matutuwa talaga ako kapag ganun. Hihi. Yung iba ko kasing mga friends dito naglaho narin eh, di na rin sila ata nagpopost. Pero di naman ako sumusuko sa paghahanap ng mga bagong magiging kaibigan ko, 

dito , 

sa mundo ng mga blogero.

Ikaw na kaya yun?