Bungo

Sana bumilis ang oras

                Di ko nais na dito pa manatili

Ang nakapalibot sa aki'y

                halang ang mga ugali

 

from google images

Sana bumilis ang oras

                ayoko na silang makahalubilo

Di ko batid kung

                sila'y mga tao

O sadyang butas lamang

                ang kanilang bungo

Pakiramdam ko sila'y demonyong

                kumakain ng mababait

Mga dila nila’y sadyang

                Mahahaba’t mapanlait

Kaunti na lang ang oras

                para sa kanila

Kakainin na kasi sila

                ng mga uod sa lupa

Ngayon pa lang sila na

                ay nangangamoy lupa.

Tiyak na pagpipyestahan

                Ng mga ipis at daga

Sapagka’t sila’y pawang

                Mga kutong lupa.

Napasabak sa overnight sa office

Howww may gash… nabubulok na pala ang luma kong pahina.. dahil wala nang napapadpad na bagong mambabasa dito dahil wala na akong bagong post.. nakteteng.. matatapos na lang lahat-lahat ang January eh muntikan pa kong hindi makapag post.. nyahaha… kawawa naman ang blog ko na ‘to..

At may ganitong mga pagkakataon… “Overnight sa office” ang peg .. Tama.. and it’s already 1:23 AM at nasa office parin ako.. kami ng mga ka-officemates ko, meron kasi silang tinatapos para sa ISO certification ng company namin.. parang corporate planning lang nila.. Actually, hindi naman talaga ako dapat kasama dito, pawang hamak na rank and file lang ako at puro supervisor at manager and mga kasama ko dito..  nag overTime lang talaga ako kanina at dapat until 10pm lang.. eh kaso eto, andito parin dahil wala na akong kasamang pauwi.. yung boypren ko kasi pasimuno sa overnight  work na ‘to.. usapan naming dapat ihahatid nya ako kanina pa hindi na nga lang natuloy dahil sa dami ng ginagawa pa nila at gabi narin naman daw… mukhang sinadya nya nga na kaligtaan.. hayst.. bongga.. dito na lang daw matulog ako.. as if naman makatulog talaga ako dito? Hindi ako prepared! Walang pamalit na damit, walang kumot, wala kahit anong baon para dito! Kaasar lang! Hindi pa naman ako makatulog na walang kumot, hindi ako kumportable kapag hindi nakasandal ang paa ko sa pader.. Kaya paano ako makakatulog??  Wews.. kanina pa ako inaantok.. ayoko na gawin yung trabaho ko dahil masakit na ang mata ko.. tapos naka-block pa lahat ng social networking dito sa computer ko kaya lalong nakakabaliw..!

Buti na lang at naisipan ko na lang dumalaw dito sa nilalangaw kong blog.. Nagsulat na lang ako para may update naman sa buhay ko itong blog.. nyahaha.. okei narin.. pero inaanok na talaga ako.. siguro maya maya pipilitin ko nang umidlip.. kasi bukas may pasok pa kami, hindi pwedeng umabsent dahil marami pa akong gagawin at hingit sa lahat sayang ang sahod! Hehe..

At dahil umiikot na ang paningin ko.. sa antok.. eh titigilan ko na itong kalokohan ko.. sa susunod na lang ulit ako magpopost.. sana magkaroon pa ulit ako ng time.. iba parin talaga kapag napapadpad ako sa blog ko.. iba parin kapag nakakadalaw sa ibang mga pwenship kong blogger.. nyahah..

Oh sya sya! Til next post!

Muah!

Ang Nais kong Tahanan

Kung sakaling ako’y bubuo ng sarili kong tahanan

Ang nais ko sana’y ikaw ang aking maging kaagapay

Pumayag ka sanang patatagin ang haligi ng ating bahay

Mula sa iyong matatapang na paghamon sa buhay,

Galing sa iyong lakas ako ay huhugot

Kubo ma’y maliit, ilaw dito’y di malalagot

Sisikapin kong pasidhiin ang liwanag kong dulot

Gagabay sa’yo at sa ating mga paslit

Patungo sa magandang buhay na walang kapalit.

Hindi ko nais ng magarbong bahay o buhay

Nais ko lamang ay tahimik na pamumuhay

Ayoko ng gulo, o ng napakaraming pagtatalo

Ang gusto ko lamang ay ang pamilyang buo

Simpleng tahanan na puno ng pagmamahalan

Pagbibigayan at lubos na pagkakaunawaan

Marami mang pagsubok ang maranasan

Kahit may kanya-kanya pa tayong kahinaan

Tayo ay tiyak naman na may masasaligan

Isang buong pamilya, masayang tahanan

Tahanan ng ating kinabukasan 

Ito ay aking opisyal na lahok sa Saranggola Blog Awards 5 sa Kategoryang Tula

 

Sa pakikipagtulungan ng :