Limang beses isang linggo
Maaari kitang makita
Pagmasdan ang iyong galaw
Subaybayan ang bawat mong kilos
Inaabangang ika'y dumaan sa aking pwesto
Tapos tataas lahat ng aking balahibo
Saglit na hihinto ang aking paghinga
Tiyak na di maiiwasang ako'y mapatulala
Sunod noo'y mangangarap na ako ng gising
Na sana kahit minsa'y humaging ako sa iyong paningin
Sabay hindi mo na maiiwasang sa akin din ay mapatingin.
Pagkatapos mararamdaman ko ang iyong mga mata
Na unti-unting sumisisid sa aking kaluluwa
-daisylee 030618
