Bakit nga ba ako hindi nagpopost?

          Siguro nagtataka kayo kung bakit nag-iba ang pangalan ko dito sa blog ko, nung December pa nga ito. Kagagawan kasi 'yun ni GMAIL, hindi na kasi niya pinahintulutan na palitan at muling ibalik ang tunay kong pangalan... after 3 years pa daw ako maaaring magpalit muli .. kaya steady na sa “Jdeuhg Ehekag” ang user name ko - siyet!!

 

          Iyon din ang dahilan kung bakit mahigit dalawang buwan akong hindi nakapagsulat at nakapag post dito sa aking blog. Walang tula.. o kahit random post man lang .. Nasira ang buong sistema ko sa pagsusulat, nahirapan akong ibalik muli ang aking sigla at interes sa paglikha ng mga akda. Ni ang tumingin o sumilip ng ibang blog ay hindi ko rin nagawa. Paano ba naman kasi naalala ko lang yung dahilan kung bakit ko pinalitan ito. Kasi ang totoo ay mayroon pang ibang dahilan kung bakit ko pinalitan ang username ko, nahalata rin marahil ng iba kong mambabasa dahil sa huling post ko.. Pero hindi ko na masyadong ipapaliwanag pa ang iba pang dahilan kung bakit. Ayoko narin kasing sariwain pa.

Nilalamon ako ng lungkot

 

pinipira-piraso ang puso

malapit na itong mapaso

 

sumasalisi ang paghinga

ang mga labi ay namumutla

 

sinisipsip ang dugo ko ng takot

ang pagtibok ay baka malagot

nilalamon ako ngayon ng lungkot

 

sumisikip ang daanan ng hangin

dumidilim ang aking paningin

pero gusto ko itong pigilin

pigilin ang sakit ng dibdib

itago at manatiling liblib

dito sa silong ng pag-ibig

 

'pagkat nais ko nang mapalagay

at manatili sa iyong gabay

sa'yo ko parin naman iaalay

ang aking puso habang buhay

 

 

T.T

Nakiki - Breaking Dawn Part 2 ( A Thousand Years )

 

Wala akong maipost na matino, haha. Gusto ko lang ibahagi ang nararamdaman ko ngayon, may after shock parin kasi nung nanood kami ng partner ko ng super hit na movie na Breaking Dawn Part 2 ( The Twilight Saga ) ... at ayun na nga .. sobrang fan talaga kasi ako ng movie na yun .. at idinamay ko lang ang partner ko dun .. kahit hindi niya talaga gusto panuorin ay nanood narin siya ( meron kasi syang panget na experience tungkol dun ) pero ang love story ng movie ay ayos na ayos .. nakaka inlove naman talaga .. nakaka-antig ng damdamin .. at siyempre kinu-connect ko ang love story nila Bella at Edward samin ng partner ko :) nakakawala ng stress tunay